Дзяцінства па-беларуску: кім мы будзем, калі вырасцем?

Запрашаем на самае сямейнае афлайнавае ток-шоў.

За апошнія пяць гадоў колькасць беларусаў, якія валодаюць беларускай мовай, скарацілася на 14%, і адна з прычын – дэмаграфічная: беларусаў становіцца меней. Беларускай мовы таксама менее, бо толькі ў 7 сем’ях са 100 дзеткі з маленства чуюць беларускую мову.

Ці назавуць самыя маленькія грамадзяне краіны сябе беларусамі праз 10-15 гадоў, і калі так, то што яны будуць мець на ўвазе?

Грамадская культурніцкая кампанія “Будзьма беларусамі!” запрашае абмеркаваць, што стаіць за гэтымі лічбамі, і скіраваць zoom калектыўнай увагі на пытанні, з якімі сутыкаюцца ў канкрэтных сем’ях:

“Мы хацелі б размаўляць з сынам па-беларуску, аднак як ён будзе камунікаваць з аднагодкамі?”, “Як можна выхоўваць дзіця па-беларуску, калі навокал усе размаўляюць па-руску?”, “Дзе знайсці дзіцячыя кніжкі і забаўлянкі па-беларуску?”, “Навошта ўвогуле ўсё гэтае “беларускае”, галоўнае, каб вырас добрым чалавекам”…

Самі гарадзенцы і госці мерапрыемства, якія абралі не самы просты шлях выхавання дзетак, раскажуць пра ўласны досвед выхавання і адукацыі сваіх дзяцей па-беларуску і ў беларускай традыцыі.

У сустрэчы возьмуць удзел:

— Таццяна Яворская, грамадскі дзеяч, шматдзетная маці, і яе дзеці: Альгерд (12 гадоў) і Рагнеда (11 гадоў);

— Наталля Вашкевіч, мантэсоры-педагог, з сынам Максімам (7 гадоў);

— Святлана Чакушка, адна са стваральнікаў праекта “Забаўлянкі для Янкі”;

Для дзяцей будзе абсталяваная спецыяльная kid’s zone з размалёўкамі, кніжкамі і цацкамі.

Усё, што вы хацелі ведаць пра выхаванне беларускасці, але не ведалі, у каго спытацца!

7 мая
Антыкавярня “Жывы час”, вул. К. Маркса, 13/1.
18:30

подросший грудничок
Кормление до 3х лет и отлучение от груди - душевная история одной нашей известной гродненской мамы :)…
У гарадзенскай антыкавярні “Жывы час” цёплым травеньскім вечарам кампанія “Будзьма беларусамі!” сабрала публіку, зацікаўленую выхаваннем дзяцей па-беларуску.…

Еще нет комментариев